今日天文臺發出齊黄,紅,黑色暴雨警告訊號....我又要留係屋企發呆了...我由五月十八日開始儲下來的壓力...要爆發了!好多野都好想同朋友講...但係佢地仲係停留係一Ｄ男女感情...阿媽唔比出街....唔想返学同唔夠零用錢洗重要同返我講佢地好唔開心...仲要我安慰返佢地...我真係開唔到口啊!唯有開個blog舒發下!

五月十八日我在睡夢中突然聽到巨響...我母親在床上暈到失平衡跌在地上...你既離開使我感受到前所未有既失落...果種冰冷既感覺係好恐佈...身邊每個人都經常在提醒我呢個痛苦經歷...我只好把生活時間表排得繁忙一点....令到自己無時間去亂諗野...我唔明点解愈善良愈好人就要愈快將人生完結?雖然我相信呢個世界係有人主宰我地所做既野...但係点解您唔將呢Ｄ好人留係呢個地球上耐Ｄ去幫Ｄ有需要既人多Ｄ? 一開始唔習慣對住阿媽張相同佢講野...裝香燒金銀醫紙俾佢...仲要對住個火爐叫阿媽收野?点可以相信我今年十七歲就要面對媽媽的離去...但係經過呢年事之後我真的長大了...因為係呢個世界上又少了一個錫我既人...我要再更加堅強
以前既我永遠都認為朋友係我既一切...去年既暑假全部都花曬去同我既豬朋狗友玩...認為口甘先係我應有的生活態度....但而加回想起的最温暖的都係你對我既關心同鼓勵...我有太多後悔的事....我後悔我將考試既壓力發泄係你身上....而加諗番都覺得自己好不孝....你為我所付出的實在太多...而我自覺自己對你未夠好! 我而加同朋友既距離愈黎愈遠...中間有一塊好大既隔膜...有時覺得佢地好唔成熟添...同佢地好唔一樣
在我身邊離開我既人就如一塊一塊的里程碑....所以我要好好地珍惜身邊所有人和事...
我永遠都唔會忘記最後一次母親節係迪士尼酒店同你飲茶....希望你係上面永遠健康快樂